Ασού Πόντου τα χωρία

Έρθανε τρία παιδία

Δύο αγούρ κι ένας κουτσή

Ασήν Μάτσκαν μαναχοί

Ο ένας επήεν σο Κιλκίς

Η άλλε Καλαμαρία

Ο πάσιας τουν σο Κορδελιό

Κ΄ εβρέθαν άλλον καμίαν

Ο Κώτσος ντ΄επήεν σο Κιλκίς

Έπαιζεν και τραγώδνεν

Η λύραν ατ΄ κοκκύμελον

Η λάλια τ΄, αηδόν εν

Η Μάρω μικρή υπάντρεψε

Κι εκλείστεν σα τσαμούρε

Εποίκεν πέντε χάταλα

Τα πέντε πα αγούρε

Ο Πάντζον έρθεν σο Κορδελιό

Έχτισεν και τ΄οσπίτν ατ΄

Κ΄εχάρενα ο άκλερον

Έχασεν τη γαρήν ατ΄

Επέρεν τα στράτας κι έφυεν

Επήεν ση Γερμανίαν

Αρρώστεσεν κι επέθανεν

Μακρά σην ξενητείαν

Τακματζίδης Ελευθέριος